יז אדר א
יום שני (תש״ג)
שיעורים: חומש: תשא, שני עם פירש״י.
תהלים: פג-פז.
תניא: והנה באמת. '76א׳ בתולדתו.
א סך יאהרען נאך פאר פעטערבורג [המאסר שם בשנת תקנ״ט], איז דער אלטער רבי אמאל ארויס צום עולם און האט געזאגט: אין גן עדן דערהערט מען די טייערקייט פון עולם הזה. לא מיבעי מלאכי השרת, אפילו נאצלים הראשונים וואלטען אלץ אוועק געגעבען פאר א אמן יהא שמי׳ה רבא פון א אידען, אז ער זאגט בכל כחו כפירושו בכל כוונתו, היינו אז ער איז אינגאנצען אין דעם.
דאס איז געווען דער גאנצער מאמר, און ער האט געפועלט אזא התלהבות והתלהטות בא די הערער, אז א גאנץ יאהר האט מען געזאגט איש״ר [אמן יהא שמי׳ה רבא] מיט א ברען.