זֶ֡ה קָרְבַּן֩ אַֽהֲרֹ֨ן וּבָנָ֜יו אֲשֶׁר־יַקְרִ֣יבוּ לַֽיהֹוָ֗ה בְּיוֹם֙ הִמָּשַׁ֣ח אֹת֔וֹ עֲשִׂירִ֨ת הָֽאֵפָ֥ה סֹ֛לֶת מִנְחָ֖ה תָּמִ֑יד מַֽחֲצִיתָ֣הּ בַּבֹּ֔קֶר וּמַֽחֲצִיתָ֖הּ בָּעָֽרֶב:

ויקרא 6:13

זָקֵ֥ן וּנְשֽׂוּא־פָנִ֖ים ה֣וּא הָרֹ֑אשׁ וְנָבִ֥יא מֽוֹרֶה־שֶׁ֖קֶר ה֥וּא הַזָּנָֽב:

ישעיה 9:14

זִכְרוּ־זֹ֖את וְהִֽתְאֹשָׁ֑שׁוּ הָשִׁ֥יבוּ פֽוֹשְׁעִ֖ים עַל־לֵֽב:

ישעיה 46:8

זְנ֛וּת וְיַ֥יִן וְתִיר֖וֹשׁ יִֽקַּח־לֵֽב:

הושע 4:11

זְרַעְתֶּ֨ם הַרְבֵּ֜ה וְהָבֵ֣א מְעָ֗ט אָכ֚וֹל וְאֵֽין־לְשָׂבְעָה֙ שָׁת֣וֹ וְאֵֽין־לְשָׁכְרָ֔ה לָב֖וֹשׁ וְאֵֽין־לְחֹ֣ם ל֑וֹ וְהַ֨מִּשְׂתַּכֵּ֔ר מִשְׂתַּכֵּ֖ר אֶל־צְר֥וֹר נָקֽוּב:

חגי 1:6

זֹ֣רוּ רְשָׁעִ֣ים מֵרָ֑חֶם תָּע֥וּ מִבֶּ֗טֶן דֹּֽבְרֵ֥י כָזָֽב:

תהלים 58:4

זְכֹר כִּי־ר֣וּחַ חַיָּ֑י לֹא־תָשׁ֥וּב עֵ֜ינִ֗י לִרְא֥וֹת טֽוֹב:

איוב 7:7