יְשֻׂשׂ֥וּם מִדְבָּ֖ר וְצִיָּ֑ה וְתָגֵ֧ל עֲרָבָ֛ה וְתִפְרַ֖ח כַּֽחֲבַצָּֽלֶת:

ישעיה 35:1

יָקֹ֨שְׁתִּי לָ֚ךְ וְגַם־נִלְכַּדְתְּ֙ בָּבֶ֔ל וְאַ֖תְּ לֹ֣א יָדָ֑עַתְּ נִמְצֵאת֙ וְגַם־נִתְפַּ֔שְׂתְּ כִּ֥י בַֽיהֹוָ֖ה הִתְגָּרִֽית:

ירמיה 50:24

יַחְדָּ֖ו כַּכְּפִרִ֣ים יִשְׁאָ֑גוּ נָֽעֲר֖וּ כְּגוֹרֵ֥י אֲרָיֽוֹת:

ירמיה 51:38

י֥וֹם שׁוֹפָ֖ר וּתְרוּעָ֑ה עַל הֶֽעָרִ֣ים הַבְּצֻרֹ֔ת וְעַ֖ל הַפִּנּ֥וֹת הַגְּבֹהֽוֹת:

צפניה 1:16

יְהֹוָ֚ה צַדִּיק֙ בְּקִרְבָּ֔הּ לֹ֥א יַֽעֲשֶׂ֖ה עַוְלָ֑ה בַּבֹּ֨קֶר בַּבֹּ֜קֶר מִשְׁפָּט֨וֹ יִתֵּ֚ן לָאוֹר֙ לֹ֣א נֶעְדָּ֔ר וְלֹֽא־יוֹדֵ֥עַ עַוָּ֖ל בֹּֽשֶׁת:

צפניה 3:5

יַכְרֵ֨ת יְהֹוָ֜ה לָאִ֨ישׁ אֲשֶׁ֚ר יַֽעֲשֶׂ֙נָּה֙ עֵ֣ר וְעֹנֶ֔ה מֵאָֽהֳלֵ֖י יַֽעֲקֹ֑ב וּמַגִּ֣ישׁ מִנְחָ֔ה לַֽיהֹוָ֖ה צְבָאֽוֹת:

מלאכי 2:12

יַכְרֵ֣ת יְ֖הֹוָה כָּל־שִׂפְתֵ֣י חֲלָק֑וֹת לָ֜שׁ֗וֹן מְדַבֶּ֥רֶת גְּדֹלֽוֹת:

תהלים 12:4

י֣וֹם לְ֖יוֹם יַבִּ֣יעַ אֹ֑מֶר וְלַ֥יְלָה לְּ֜לַ֗יְלָה יְחַוֶּה־דָּֽעַת:

תהלים 19:3

יִרְאָ֣ה וָ֖רַעַד יָבֹ֣א בִ֑י וַ֜תְּכַסֵּ֗נִי פַּלָּצֽוּת:

תהלים 55:6

יִוָּדַע כְּמֵבִ֣יא לְמָ֑עְלָה בִּסְבָךְ־עֵ֜֗ץ קַרְדֻּמּֽוֹת:

תהלים 74:5

יַ֗עַן אֲשֶׁ֚ר | לֹֽא־זָכַר֘ עֲשׂ֪וֹת֫ חָ֥סֶד וַיִּרְדֹּ֡ף אִישׁ־עָנִ֣י וְ֖אֶבְיוֹן וְנִכְאֵ֨ה לֵבָ֬ב לְמוֹתֵֽת:

תהלים 109:16

יְהֹוָ֚ה | שֹׁ֘מֵ֚ר אֶת־גֵּרִ֗ים יָת֣וֹם וְאַלְמָנָ֣ה יְעוֹדֵ֑ד וְדֶ֖רֶךְ רְשָׁעִ֣ים יְעַוֵּֽת:

תהלים 146:9

יֵ֤שׁ דֶּ֣רֶךְ יָ֖שָׁר לִפְנֵי־אִ֑ישׁ וְ֜אַחֲרִיתָ֗הּ דַּרְכֵי־מָֽוֶת:

משלי 14:12

יִרְאַ֣ת יְ֖הוָה מְק֣וֹר חַיִּ֑ים לָ֜ס֗וּר מִמֹּ֥קְשֵׁי מָֽוֶת:

משלי 14:27

יֵ֤שׁ דֶּ֣רֶךְ יָ֖שָׁר לִפְנֵי־אִ֑ישׁ וְ֜אַחֲרִיתָ֗הּ דַּרְכֵי־מָֽוֶת:

משלי 16:25

יֵ֣שׁ זָ֖הָב וְרָב־פְּנִינִ֑ים וּכְלִ֥י יְ֜קָ֗ר שִׂפְתֵי־דָֽעַת:

משלי 20:15

יֹדֵ֣עַ צַ֖דִּיק דִּ֣ין דַּלִּ֑ים רָ֜שָׁ֗ע לֹא־יָבִ֥ין דָּֽעַת:

משלי 29:7

יֹאכַל בַּדֵּ֣י עוֹר֑וֹ יֹאכַ֥ל בַּ֜דָּ֗יו בְּכ֣וֹר מָֽוֶת:

איוב 18:13

יִנָּתֵ֣ק מֵ֖אָֽהֳלוֹ מִבְטַח֑וֹ וְ֜תַצְעִידֵ֗הוּ לְמֶ֣לֶךְ בַּלָּהֽוֹת:

איוב 18:14

יָפָ֨ה אַ֤תְּ רַעְיָתִי֙ כְּתִרְצָ֔ה נָאוָ֖ה כִּירֽוּשָׁלָ֑ ִם אֲיֻמָּ֖ה כַּנִּדְגָּלֽוֹת:

שיר השירים 6:4

יְתוֹמִ֤ים הָיִ֨ינוּ֙ וְאֵ֣ין<span class="instructional ksiv"> (כתיב אֵ֣ין) </span> אָ֔ב אִמֹּתֵ֖ינוּ כְּאַלְמָנֽוֹת:

איכה 5:3

יְהֹוָ֞ה אֱלֹהֵ֚י יִשְׂרָאֵל֙ צַדִּ֣יק אַ֔תָּה כִּֽי־נִשְׁאַ֥רְנוּ פְלֵיטָ֖ה כְּהַיּ֣וֹם הַזֶּ֑ה הִנְנ֚וּ לְפָנֶ֙יךָ֙ בְּאַשְׁמָתֵ֔ינוּ כִּ֣י אֵ֥ין לַֽעֲמ֛וֹד לְפָנֶ֖יךָ עַל־זֹֽאת:

עזרא 9:16

יְהֹוָ֕ה בַּֽעֲב֚וּר עַבְדְּךָ֙ וּֽכְלִבְּךָ֔ עָשִׂ֕יתָ אֵ֥ת כָּל־הַגְּדוּלָּ֖ה הַזֹּ֑את לְהֹדִ֖יעַ אֶת־כָּל־הַגְּדֻלּֽוֹת:

דברי הימים א 17:19

יַּֽעַזְב֗וּ אֶת־בֵּ֚ית יְהֹוָה֙ אֱלֹהֵ֣י אֲבֽוֹתֵיהֶ֔ם וַיַּֽעַבְד֥וּ אֶת־הָֽאֲשֵׁרִ֖ים וְאֶת־הָֽעֲצַבִּ֑ים וַֽיְהִי קֶ֗צֶף עַל־יְהוּדָה֙ וִיר֣וּשָׁלִַ֔ם בְּאַשְׁמָתָ֖ם זֹֽאת:

דברי הימים ב 24:18