טוֹבָ֣ם כְּחֵ֔דֶק יָשָׁ֖ר מִמְּסוּכָ֑ה י֚וֹם מְצַפֶּ֙יךָ֙ פְּקֻדָּֽתְךָ֣ בָ֔אָה עַתָּ֥ה תִֽהְיֶ֖ה מְבֽוּכָתָֽם:

מיכה 7:4

טָֽבְע֣וּ ג֖וֹיִם בְּשַׁ֣חַת עָשׂ֑וּ בְּרֶֽשֶׁת־ז֥וּ טָ֜מָ֗נוּ נִלְכְּדָ֥ה רַגְלָֽם:

תהלים 9:16

ט֣וֹב מְ֖עַט לַצַּדִּ֑יק מֵֽ֜הֲמ֗וֹן רְשָׁעִ֥ים רַבִּֽים:

תהלים 37:16

ט֗וֹב לַֽחֲס֥וֹת בַּֽיהֹוָ֑ה מִ֜בְּטֹ֗חַ בָּֽאָדָֽם:

תהלים 118:8

ט֗וֹב לַֽחֲס֥וֹת בַּֽיהֹוָ֑ה מִ֜בְּטֹ֗חַ בִּנְדִיבִֽים:

תהלים 118:9

ט֣וֹב נִ֖קְלֶה וְעֶ֣בֶד ל֑וֹ מִ֜מְּתַכַּבֵּ֗ד וַחֲסַר־לָֽחֶם:

משלי 12:9

ט֣וֹב שְׁפַל־ר֖וּחַ אֶת־עֲנָיִ֑ים עֲנָוִ֑ים מֵֽחַלֵּ֥ק שָׁ֜לָ֗ל אֶת־גֵּאִֽים:

משלי 16:19

טוֹבִ֥ים הַשְּׁנַ֖יִם מִן־הָֽאֶחָ֑ד אֲשֶׁ֧ר יֵֽשׁ־לָהֶ֛ם שָׂכָ֥ר ט֖וֹב בַּֽעֲמָלָֽם:

קהלת 4:9

ט֖וֹב אֲשֶׁ֣ר לֹֽא־תִדֹּ֑ר מִשֶּׁתִּדּ֖וֹר וְלֹ֥א תְשַׁלֵּֽם:

קהלת 5:4

ט֕וֹב לִשְׁמ֖וֹעַ גַּֽעֲרַ֣ת חָכָ֑ם מֵאִ֕ישׁ שֹׁמֵ֖עַ שִׁ֥יר כְּסִילִֽים:

קהלת 7:5

טוֹב אֲשֶׁ֣ר תֶּֽאֱחֹ֣ז בָּזֶ֔ה וְגַם־מִזֶּ֖ה אַל־תַּנַּ֣ח אֶת־יָדֶ֑ךָ כִּֽי־יְרֵ֥א אֱלֹהִ֖ים יֵצֵ֥א אֶת־כֻּלָּֽם:

קהלת 7:18