מִדְּבַר־שֶׁ֖קֶר תִּרְחָ֑ק וְנָקִ֤י וְצַדִּיק֙ אַל־תַּֽהֲרֹ֔ג כִּ֥י לֹֽא־אַצְדִּ֖יק רָשָֽׁע:

שמות 23:7

מִי־זֶ֣ה | בָּ֣א מֵֽאֱד֗וֹם חֲמ֚וּץ בְּגָדִים֙ מִבָּצְרָ֔ה זֶה הָד֣וּר בִּלְבוּשׁ֔וֹ צֹעֶ֖ה בְּרֹ֣ב כֹּח֑וֹ אֲנִ֛י מְדַבֵּ֥ר בִּצְדָקָ֖ה רַ֥ב לְהוֹשִֽׁיעַ:

ישעיה 63:1

מִקּוֹל֙ נִתְפְּשָׂ֣ה בָבֶ֔ל נִרְעֲשָׁ֖ה הָאָ֑רֶץ וּזְעָקָ֖ה בַּגּוֹיִ֥ם נִשְׁמָֽע:

ירמיה 50:46

מְהֻלָּל אֶקְרָ֣א יְהֹוָ֑ה וּמִן־אֹֽ֜יְבַ֗י אִוָּשֵֽׁעַ:

תהלים 18:4

מִצִּיּ֥וֹן מִכְלַל־יֹ֜֗פִי אֱלֹהִ֥ים הוֹפִֽיעַ:

תהלים 50:2

מוֹאָ֚ב | סִ֬יר רַחְצִּ֗י עַל־אֱ֖דוֹם אַשְׁלִ֣יךְ נַֽעֲלִ֑י עֲלֵֽי־פְ֜לֶ֗שֶׁת אֶתְרוֹעָֽע:

תהלים 108:10

מִפְּרִ֣י פִי־אִ֖ישׁ תִּשְׂבַּ֣ע בִּטְנ֑וֹ תְּבוּאַ֖ת שְׂפָתָ֣יו יִשְׂבָּֽע:

משלי 18:20

מֶ֗לֶךְ יוֹשֵׁ֥ב עַל־כִּסֵּא־דִ֑ין מְזָרֶ֖ה בְעֵינָ֣יו כָּל־רָֽע:

משלי 20:8

מַשְׂכִּ֣יל צַ֖דִּיק לְבֵ֣ית רָשָׁ֑ע מְסַלֵּ֖ף רְשָׁעִ֣ים לָרָֽע:

משלי 21:12

מַ֥עֲדֶה בֶּ֨גֶד בְּי֣וֹם קָ֖רָה חֹ֣מֶץ עַל־נָ֑תֶר וְשָׁ֥ר בַּ֜שִּׁרִ֗ים עַ֣ל לֶב־רָֽע:

משלי 25:20

מַעְיָ֣ן נִ֖רְפָּשׂ וּמָק֣וֹר מָשְׁחָ֑ת צַ֜דִּ֗יק מָ֣ט לִפְנֵֽי־רָשָֽׁע:

משלי 25:26

מִ֤י עָלָֽה־שָׁמַ֨יִם וַיֵּרַ֡ד מִ֤י אָֽסַף־ר֨וּחַ בְּחָפְנָ֡יו מִ֤י צָֽרַר־מַ֨יִם בַּשִּׂמְלָ֗ה מִ֖י הֵקִ֣ים כָּל־אַפְסֵי־אָ֑רֶץ מַה־שְּׁמ֥וֹ וּמַֽה־שֶּׁם־בְּ֜נ֗וֹ כִּ֣י תֵדָֽע:

משלי 30:4

מִי־ה֖וּא יָרִ֣יב עִמָּדִ֑י כִּֽי־עַתָּ֖ה אַֽחֲרִ֣ישׁ וְאֶגְוָֽע:

איוב 13:19

מֵרֵ֣יחַ מַ֣יִם יַפְרִ֑חַ וְעָשָׂ֖ה קָצִ֣יר כְּמוֹ־נָֽטַע:

איוב 14:9

מִ֚י זֶ֨ה | מַעְלִ֥ים עֵצָ֗ה בְּלִ֫י דָ֥עַת לָכֵ֣ן הִ֖גַּדְתִּי וְלֹ֣א אָבִ֑ין נִפְלָא֥וֹת מִ֜מֶּ֗נִּי וְלֹ֣א אֵדָֽע:

איוב 42:3

מְשֵֽׁיזַבְאֵ֥ל צָד֖וֹק יַדּֽוּעַ:

נחמיה 10:22