הִֽנְנִ֚י מְקַבְּצָם֙ מִכָּל־הָֽ֣אֲרָצ֔וֹת אֲשֶׁ֨ר הִדַּחְתִּ֥ים שָׁ֛ם בְּאַפִּ֥י וּבַֽחֲמָתִ֖י וּבְקֶ֣צֶף גָּד֑וֹל וַֽהֲשִֽׁבֹתִים֙ אֶל־הַמָּק֣וֹם הַזֶּ֔ה וְהֹֽשַׁבְתִּ֖ים לָבֶֽטַח:

ירמיה 32:37

הֵ֣ן יַֽ֖הֲרוֹס וְלֹ֣א יִבָּנֶ֑ה יִסְגֹּ֥ר עַל־אִ֜י֗שׁ וְלֹ֣א יִפָּתֵֽחַ:

איוב 12:14

הֵ֣ן יִ֖קְטְלֵנִי ל֣וֹ<span class="instructional ksiv"> (כתיב לֹ֣א) </span> אֲיַחֵ֑ל אַךְ־דְּ֜רָכַ֗י אֶל־פָּנָ֥יו אוֹכִֽיחַ:

איוב 13:15

הֲיַֽעֲרֹ֣ךְ שֽׁ֖וּעֲךָ לֹ֣א בְצָ֑ר וְ֜כֹ֗ל מַֽאֲמַצֵּי־כֹֽחַ:

איוב 36:19

הַתְקַשֵּׁר מַֽעֲדַנּ֣וֹת כִּימָ֑ה אֽוֹ־מֽוֹשְׁכ֖וֹת כְּסִ֣יל תְּפַתֵּֽחַ:

איוב 38:31

הוֹלֵךְ֨ אֶל־דָּר֔וֹם וְסוֹבֵ֖ב אֶל־צָפ֑וֹן סוֹבֵ֤ב | סֹבֵב֙ הוֹלֵ֣ךְ הָר֔וּחַ וְעַל־סְבִֽיבֹתָ֖יו שָׁ֥ב הָרֽוּחַ:

קהלת 1:6

הַבּוֹנִ֧ים בַּחוֹמָ֛ה וְהַנֹּֽשְׂאִ֥ים בַּסֵּ֖בֶל עֹֽמְשִׂ֑ים בְּאַחַ֚ת יָדוֹ֙ עֹשֶׂ֣ה בַמְּלָאכָ֔ה וְאַחַ֖ת מַֽחֲזֶ֥קֶת הַשָּֽׁלַח:

נחמיה 4:11

הֲלֹ֚א לָכֶם֙ לָדַ֔עַת כִּ֞י יְהֹוָ֣ה| אֱלֹהֵ֣י יִשְׂרָאֵ֗ל נָתַ֨ן מַמְלָכָ֧ה לְדָוִ֛יד עַל־יִשְׂרָאֵ֖ל לְעוֹלָ֑ם ל֥וֹ וּלְבָנָ֖יו בְּרִ֥ית מֶֽלַח:

דברי הימים ב 13:5